- бөгеттердің дайындық дәрежесі
- (Степень готовности заграждений)
Бірінші және екінші дәрежелі дайындықтағы бөгеттер болып бөлінеді.Бірінші дәрежелі дайындықта бөгеттер толықтай ұрыс әзірлігіне келтіріледі: мина алқаптарына мина орнатылып, толық жабдықталады, басқарылатын миналар ұрыс жағдайына ауыстырылады; мина алқаптарының қоршаулары алып тасталады. Объектілік және көлікке қарсы миналар орнатылады, бүркемеленеді және олардың жарғыштары ұрыс жағдайына ауыстырылады; аралас бөгеттерде орнатылған миналық-жарылғыш құралдар толығымен жабдықталады. Ал өткелдер мен жолдар миналандырылады. Екінші дәрежелі дайындықта бөгеттер бірінші дәрежеге шұғыл ауыстырылуға дайындалады: миналар орнатылады және толығымен жабдықталады, бірақ миналы алқаптар қоршалып, күзетіледі. Басқарылатын миналар қауіпсіз жағдайда болады; объектілік және көлікке қарсы миналар орнатылып, бүркемеленеді, бірақ олардың жарғыштары ұрыс жағдайына ауыстырылмайды; жарылмайтын кедергілер дайындалады, бірақ олардағы жолдар мен өткелдер қиратылмайды және миналандырылмайды немесе екінші дәрежелі дайындықта тұрған объектілік, көлікке қарсы миналармен және фугастармен миналандырылады.
Казахский толковый терминологический словарь по военному делу. — Мектеп.